yadoona يا دونه

احمد جاوېد منګل ادبي او کلتوري پاڼې ته ښۀ راغلئ

يادونه

Posted by ahmadjavedmangal on July 30, 2011

ما هرڅۀ  لوټ  کړۀ  ستا  يارۍ  کې  زما  څوک  پاتې  دي

غېر لۀ   تا  دارنګه   نيستۍ   کې  زما   څـوک   پاتې    دي

تۀ   وايې   زمـــا   نامه   وا نخلې   چې   رسوا   به   شمه

زۀ   وايم   نور  نو   پۀ   نړۍ  کې  زمـا  څوک  پاتې   دي

بيــــا   مې   د   زړۀ    زاړۀ   ټپونو   خولګۍ   پرانېستلې

بيـــا  چې  پۀ   تالنده  سيلۍ   کې   زما  څوک   پاتې  دي

دا  چې  مې  روح   لۀ   عزرايل  سره  پۀ  شخړه   کيــوت

دا مې د ژوند وروستئ  سلګۍ  کې  زما  څوک   پاتــې  دي

زړۀ   مـــې  دې   ښکلــو  هېوادو  کې   هم   وطن   يــادوي

خدا چې د خوست د غرو  پۀ  ژۍ  کې   زما  څوک پاتې  دي

دا  ستــــا  ښکلا   ،  پښتو  او  مينه   بس   جاوېد    يادوم

نور  نو   غزل   او   شاعرۍ   کې  زما  څـــوک  پاتې   دي

 

Posted in Uncategorized | Leave a Comment »

Posted by ahmadjavedmangal on July 28, 2011

  الوځي

 

دا  ستا  نري ، نري   خيالـــــــــونه   مې  پۀ   زړۀ   الوزي

کۀ   بيا   د   چا   د   سر  سيلــۍ   پۀ   ګل   راغۀ  الــــوزي

 

ستا  پۀ   خوږو  نغمو  عادت   يم   تللـــى  نۀ   شم  اشنـــــا

کفس کـــــۀ مات  شي  هم ،خو  ځينې  مرغان   نۀ  الوزي

 

ستا پۀ  تلۀ  راشي  يو   لښکــــر  غمونه   مه   ځـــه  رانه

غــــم ، درد  او  وير  مې  لۀ   محفل  ستا پۀ راتلۀ  الــوزي

 

غم ته چې لاره پيدا نۀ   شي   ستا  خوَ ښي  دومــــــره   شه

ددې   دعا کوترې   زموږ   لۀ    سمې   غــــــــرۀ  الوزي

 

زما   د   زړۀ  کوډله    ورانه    نۀ   کــړې    وايه     ورته

ياره !  تېرې ،  تېرې    چــــاړې    دې   لۀ   کاتۀ    الوزي

 

د   غزلونو   پۀ   خوږو   بيتو   چې   موړ  کــــړم  جــاوېد

د  غزلــــــونو   ښاپېرۍ    مې    پۀ   بانــــــــــډه   الوزي

Posted in Uncategorized | Leave a Comment »

Ahmad javed mangal ghazal

Posted by ahmadjavedmangal on July 28, 2011

                                                                      زندګي ده

 

بې   ستا  زندګي  څۀ    ده   کۀ   څو چنده    زندګـــي   ده

يار   تنده   زندګــــي   ده  او بې  خـــونده   زندګــــي   ده

 

غېرستاپۀ  ژوندون څۀکړم ماته ژوند مۀ غواړه ښکليــــه

مرض  او  غم   په   خپلــــه  بنــــد  لــۀ  بنده   زندګي  ده

 

خلک ژوندکړي خپلو منځ کې خو زۀ خپلولۀ  لاس وسوم

بس  اوښکې  دي  او  زۀ  يم   هـــــــآ  ژړنده   زندګي  ده

 

چې ډېر مې  زړۀ تۀ   تېر  و هم  هاغۀ مې زړۀ سورى کړ

ګيلـــــه  لۀ  چــــا  پۀ  زهــرو  مې   لـــــژنده  زندګي   ده 

        

سوال يې څۀ  ځواب يې څۀ چې ژوند نه  جاوېد  تېر    شو

سوال  ځــــواب  پۀ  خپلـــه    د ا   څرګنـــده   زندګي   ده

 

Posted in Uncategorized | Leave a Comment »

غزل

Posted by ahmadjavedmangal on July 28, 2011

   مخ

  تصــــوير ستا مې دى    نيـــــــولَى   زړۀ  البـــــــــوم  مخ

نو څنګــــــ  وباسم   لۀ    زړۀ   نـــه    ســـتا   معصوم    مخ

 

اوس   سپــوږمۍ  مخ    ګلابـــي   سترګې    مې    تـــتـــې

اوس   مې   پاتــــې   دى   جـــــانانــه   بس   پۀ   نــوم  مخ

 

د  خـــوَښى   يو  قــــــدم    ځاى    مې    پيدا   نۀ   کـــــــــړ

سپينو   اوښکــــــــو   ځکـــــه   ونيو     پۀ    هجــــوم   مخ

 

خلـــــــــک    زما   د   ماتېـــدو   پۀ   انتظــــــــار  خــــــو

د   در   خاورې    دې   لا   شينــــدم    پۀ   مظلــــــوم   مخ

 

بې   پردې   مې   ډېر  مخـونه   کـــــړۀ   ستا   عشق   کې

خــــو   ستا   حًسن   مې   پيدا   نۀ   کړ   پۀ   کـــــوم   مخ

 

وې   سپرلـــى   نۀ   راځي   ستا   پۀ   وران   ګــودر    بيا

رقيبــــــــــــــــانـــو   دى   کتلـــــى    د   نجــــــــــوم  مخ

 

دا   ديدار    دِ  ګران   چې  ګران    شو    ډېر  جـــاوېــــده

خــــــدا!    نن   بيا   مې    دى   ليدلَـى  د کوم  شوم    مخ

Posted in Uncategorized | Leave a Comment »

Hello world!

Posted by ahmadjavedmangal on July 28, 2011

Welcome to WordPress.com. After you read this, you should delete and write your own post, with a new title above. Or hit Add New on the left (of the admin dashboard) to start a fresh post.

Here are some suggestions for your first post.

  1. You can find new ideas for what to blog about by reading the Daily Post.
  2. Add PressThis to your browser. It creates a new blog post for you about any interesting  page you read on the web.
  3. Make some changes to this page, and then hit preview on the right. You can alway preview any post or edit you before you share it to the world.

Posted in Uncategorized | 1 Comment »

 
Follow

Get every new post delivered to your Inbox.